Claves da impro
Aplicables á empresaCronoloxía
A no sa pequena historia
Tanto Víctor Grande como Oswaldo Digón comezaron as súas carreiras no mundo da comedia co cambio de século. Durante máis de 20 anos actuaron en milleiros de escenarios, traballaron de guionistas de televisión e crearon espectáculos de humor, tanto de stand-up comedy como de improvisación teatral.
Xunto ao querido Pedro Brandariz, fundaron a productora Cousas Veredes, que tivo entre os seus proxectos a serie Galicia Crime, gañadora dun Mestre Mateo. Outracousa ten no seu nome unha lembranza e unha homenaxe a aquela aventura na que tres tolos emprenderon e desfrutaron tanto.
Nesta época, Oswaldo e Víctor comparten as súas primeiras clases de impro con alumnado que hoxe seguen con eles e xa se converteron en amigos.
No 2022 Oswaldo e Víctor deciden que é momento de buscar o seu propio lugar para as clases de impro e crean a primeira escola de teatro exclusivamente centrada na improvisación. Así nace a Escola de impro e a súa primeira promoción, a do curso 2022-2023.
No 2024 fundan a empresa Outracousa S.L. para poder xestionar todos os proxectos que están levando a cabo. Outracousa non só conta coa Escola de Impro, senon tamén cunha serie de proxectos enfocados a levar a improvisación teatral ao mundo empresarial e ao mundo educativo.
Non se sabe o que virá no futuro, pero irémolo contando e farémosvos partícipes de todo que xurda deste marabilloso proxecto.